韓國影樓婚紗照
韓式既婚前相片變得非常之受歡迎， 夫婦可以影樓入面使用可愛既韓式道具同背景拍攝。 想了解更多關於Tiffany＆Steven拍攝婚紗照既過程， 以及點解想將它製作成相簿呢? 請繼續閱讀...
天天: 我地好鍾意你地既婚禮相片！ 尤其係封面，就好似愛情故事片中既一幕。 可唔可以同我地分享一下吸引你地去選擇呢個美麗主題既原因?
Tiffany: 其實整輯婚紗相都係韓國studio影, 而呢個studio主題係以人為主, 當初都係俾佢地想營造浪漫溫暖氣氛既賣點所吸引。雖然沒有華麗既背景, 但平實背景更突出二人之間既互動
天天: 邊一張相片係你當中最鍾意既?點解呢?
Tiffany: 我最鍾意其中一張雙手放係新郎頸上close up左求婚戒指既嗰一張。 當第一眼見到呢張相既時候, 覺得好有意思, 好似用一種含蓄既方式宣佈 "我們要結婚了"
天天: 大家都好容易將相片留係電腦屏幕度睇，有咩原因令你將相片打印造一本相簿？
Tiffany: 對我黎講, 印相簿同係screen睇相感覺好唔同, screen睇相因為係一張一張睇, 所以只會感覺到影得靚定唔靚。但印係相簿到, 可以更加感受到成輯相既氣氛 同埋可以係婚禮上跟別人分享。另外, 呢輯相其實全都係一D側拍花絮相, 所以比起standard photos更加可以帶出二人既互動。 如果只留起screen到睇,未必好感受到果種感覺
天天: 好多人都有興趣親自製作一本自己既婚禮相簿,你有冇咩建議可以帶俾大家？
Tiffany: 係我製作相簿既過程入面, 令我最煩惱既係應唔應該加插一D句子。 但原來唔需要再加額外文字, 整體感覺都已經好好。 所以除非一D對你地黎講好有意思既文字, 否則只放相片, 效果已經好好
天天: 預備好製作下一本相簿既主題未呢? :)
Tiffany: 黎緊想整一本成長相簿比屋企人, 由BB到讀書再到拍拖結婚, 照片永遠可以留住回憶, 亦都可以俾佢地隨時拎出黎觀看
Posted on: 12月4, 2018
相關產品
 |
| 大婚禮相簿 28X35CM |
 |
| 橫度相簿 20X25CM |
 |
| 小直度相簿 21X15CM |